Khawzawlah Chapchar Kut 2026 hman dan tur rel a ni

Vawiin khan Khawzawl DC Auditorium-ah Chapchar Kut 2026 Working Committee chu an chairman, Pu K. Zorammuana, Addl. DC hoin an thu khawm.

Chairman Pu K. Zorammuana chuan committee member te chu an hun hlu tak senga an lo kal khawm thei chu lawmawm a tih thu a sawi a, kum 2026 a Chapchar Kut chu kum dang aia nuam leh hlu zawka hman a nih theih dan turte rel ho zui nghal a ni a. Chapchar Kut hman turah chuan Kut pa chu khual lam, hlado leh silai kah nen lo lawm ni se tiin an rel a. Hun hnihah then tur niin hun khatnaah hian cultural/historical item pho lanna chu neih theih ni se an ti a, hun hnihnaah hian zai awm se tih a ni bawk.

Heng hun hmang tur te hi Sub Hqrs. YMA in lo ruat ni se tih a ni a, MZI chuan zai tur an ruat ang a, Traffic management leh security chu SP office kutah dah a ni bawk. Kut Miss leh Kut Naupang (hmeichhia leh mipa) thlan an ni bawk ang a, YMA branch hrang hrangte inring tura hriattir an rel bawk. February ni 27 hian Working Committee an thukhawm leh ang a, thil tul dang rel turte rel chhunzawm a ni ang.